Bøtteknott

Long time no see

2010-08-05T04:18:00.001-07:00

Huff, kjempelenge sidan eg har rørt bloggen min no *flau* Men så var det baby, Mexico, Horten, jobbsøking, husleiting (der er vi fortsatt) og og og...

Men i dag fekk eg lyst til å skrive litt om dagen i dag i stikkordsform.

Dagens leppestift/lipgloss: Heilt streit Blistex, tørre lepper i dag.

Dagens duft (parfyme/lotion/shampoo/hva enn du dufter av): Baby? Nada med parfyme, og parfymefri krem etter dusjen i dag tidlig.

Dagens sko: Svarte Caterpillar joggesko.

Dagens smykker: Kuule knappeøyredobbar frå eye2eye, forlovelsesring og giftering.

Dagens bok (altså den du leser nå): Eating Animals av Jonathan Safran Foer.

Siste avis du leste: Gjengangeren (lokalavisa her i Horten).

Siste cd du hørte på: Hehe, har ikkje høyrt på cd på kjempelenge. Sist var nok i bilen i Mexico, og då tippar eg at det var Ada sin cd med barnesongar.

Siste film du så: Memoirs of a Geisha

Siste reise du var på (innenlands/utenlands): Laangt opphald i Mexico (og det blir nok ei stund til neste ferie).

Siste nettsted du var innom før denne bloggen: Smileull sin nye blogspotblogg!

Siste te/kaffe du drakk: Stoor chai latte på Kafferiet.

Siste setning du sa: "The yellow dummy is on the piano."

List opp tre ting fra veska di (sekk i dag): Har ikkje veske i dag, men den urgamle Fjellräven-sekken til mamma (den er heilt utslitt) og oppi der ligg bok (nemnte Eating Animals, lommebok og mobil.

Hekla blomar

2009-11-12T12:13:00.000-08:00

Eg var hos An-Magritt i dag, og ho lærte meg å hekle blomar! Eg har ønska lære meg hekling så lenge no, og føler at eg er litt i gang sidan eg har lært meg å lage blomar. Dette blir pynten på til-frå-lappane til jul! Forøvrig kjenner eg at eg treng å bu i eit hus med vedomn eller peis, storkosa meg i godstolen foran flammane.

Også har eg strikka ein hals til Ada i eit fantasisk deilig garn, 50% silke og 50% merino. Skulle berre ønske eg hugsa kor eg hadde kjøpt det, for dette var rein strikkeglede! For eit deilig garn, og vakkert skin i det ferdige plagget. Har lyst til å strikke masse masse deilig til heile familien i dette vakre garnet!
Oppskrifta er frå Nøstebarn, men sidan eg strikka med tjukkare garn gjekk eg opp ein pinnestorleik og litt ned i masketal.

Ikkje så enkelt å ta bilete av ein toåring som berre vil springe rundt for å sleppe å kle på seg for å gå i barnehagen ;)

Farsdagsmuffins og sokkar

2009-11-08T09:48:00.000-08:00

I dag baka Ada og eg muffins til Elias, han ønska seg sitronmuffins - så vi gjekk til oppgåva med liv og lyst! Men skuffande nok slo ikkje sitronsmaken gjennom, til tross for at vi brukte juicen av ein heil sitron. Redninga vart å lage glasur med masse sitron - for å balansere den ganske søte vaniljemuffinsen. Har fått heilt muffinsdilla om dagen, sit og siklar på marthasteward.com om dagen, men likar ikkje at dei brukar så mange ingredienser ein ikkje får tak i i Noreg, og sticks/cups i staden for metriske mål. Så eg har bestilt ei muffinsbok frå Amazon som forhåpentlegvis er i posten snart.

Her er den glade medhjelpar (legg merke til det überkule Marimekkoforkleet etter farmor!). Note to self: Ikkje bruk Nøstebarngenser neste gong Ada skal bake (evt sy eit forkle som passar litt betre), det blir himla masse kliss når ho skal slikke bollen etterpå!

Og resultatet:

Oppskrifta på fantastisk gode muffins kjem her:
1 egg
3/4 dl matolje
2,5 dl mjølk
4,8 dl mjøl
1,5 dl sukker
3 ts bakepulver
ei klype salt

Bland det tørre i ein bolle, rør saman det våte og bland dei to forsiktig. Deigen skal berre rørast lett saman, inga pisking eller intens røring - då blir muffinsane seige. Tilsett smak etter ønske (banan, blåbær, vanilje, sjokolade, nøtter...)
Hell i muffinsformer og steik i 15-20 min på 200 grader. Og hey presto! Gooode muffins!

Også har eg jo ikkje lagt ut bilete av mitt første sokkepar! Dei er strikka i Mor Aase babyull (tenkte det var greit å teste oppskrifta med billiggarn først, fungerte finfint!) Oppskrifta er frå Myk Start, og veldig grei å strikke. Litt trøblete å plukke opp masker når ein strikkar sjølve foten, men elles gjekk det raskt!

Babystrikk

2009-10-27T04:16:00.000-07:00

Eg held på med mitt første sokkepar, den første sokken strikka eg i går, og nummer to blir nok ferdig i løpet av dagen. Enkel oppskrift frå Myk Start (Babysokker på to pinner) - kan jo ikkje hælfelling, så då startar vi med små steg.

Elias Olai er ein baby som krev mykje nærkontakt, ikkje så stas å sove i vogn foreksempel. Men enno er han så liten at baby på brystet kan kombinerast med strikking :)

Velkomen til verda!

2009-10-08T11:29:00.000-07:00

Hehe, det var tydelegvis å sy i knappar som skulle til, Elias Olai vart fødd 6. oktober kl 15:28. Ein stor, og fantastisk fin gut! Vi er lukkelege, og litt slitne tobarnsforeldre.

Mykeste myke jakke

2009-10-05T11:23:00.000-07:00

Jess, ferdigstrikka før helga, men måtte sy i knappar (hadde ingen fine treknappar heime, og er jo som vanleg litt treig med å kome meg på butikken) Fann desse utrulig søte hjarteknappane på Strikkedilla på Oslo City - dei passa heilt perfekt! Strikka berre fire knapphol (er fem i oppskrifta), så då er det greit å kjøpe knappar som kostar litt :)

Litt mørkt bilete, har ikkje det beste lyset i leiligheita akkurat. Men her er jakka:

Forseinka barselgåve

2009-10-03T10:28:00.001-07:00

Ja, eg er ikkje den raskaste til å få ut fingeren og gratulere nyankomne verdsborgarar, men no har eg endeleg fått sendt ei lita merksemd til Pernilla, guten hennar er vel fem veker blitt - så betre seint enn aldri ;)

Ullbukse i str 0-6 mnd, mønster frå Myk Start. Strikka i ull frå Ebay.

Ser ut til å passe fint saman med denne formsydde i alle fall, frå Bum Genious. Deilige deilige bambusbleia!

Elles er hentesett-jakka ferdig strikka, men manglar knappar. Strikka ferdig det andre ermet i føremiddag, og monterte jakka no medan Kometkameratane stod på. Fantastiske NRK-programmet! Bilete kjem når knappane er i. Må få strikka ei lue óg, så er vi klare!

Samuraibukser

2009-09-30T03:37:00.000-07:00

Jess, hentesett-buksa er ferdig. Veldig improvisert og vi kan jo late som at eg hadde planlagt å ikkje strikke heile buksa i rillestrikk *fnis* Uansett, godt nøgd med resultatet, den er herlig mjuk og veldig romsleg - ikkje noko stress å få plass til tøybleierumpe i denne buksa nei!

Og eg har starta på Mykeste myke jakke frå Myk Start. Strikkar i Tynn Alpakka frå DSA, og nett ferdig med bakstykket. Går faktisk ganske raskt å strikke, til tross for at eg må sjå ned heile tida så eg ikkje hoppar over masker og slikt. Såg ei dame som strikka Selbuvottar på Norsk Attraksjon på NRK laurdag, og ho strikka berre heilt ekstremt raskt og utan å sjå ned - kjente at eg vil også bli sånn på mine eldre dagar (men vil kanskje heller strikke noko anna enn 35 Selbuvottar i månaden!)

Anyways, her er eit glimt av jakka:

Skal gå og legge opp framstykka no, må jo berre strikke i veg om eg skal bli ferdig før termin :)

Strikking i solveggen

2009-09-24T11:36:00.000-07:00

Deilig septemberdag med strålande sol, og varme på balkongen! Har lagt opp hentesett-bukse etter inspirasjon frå Merete Blandar oppskrifta på "rillestrikka sparkebukse" frå Nøstebarn og "bukse uten seler" frå Myk Start, og strikkar i NZ Lammeuld. Snart ferdig med første bein (blir ferdig i løpet av kvelden i alle fall)

Her er strikketøyet, magen og meg på balkongen (ser ikkje så mykje av strikketøyet då...) 38 veker i morgon :)

Var på ultralyd i dag for å sjekke leie, og oktoberfrijol har heldigvis snudd seg med hovudet ned. Men hovudet er ikkje nede i bekkenet, så eg må på ein ekstra kontroll neste veke for å sjekke leie igjen. Håper han legg seg rette vegen og at hovudet festar seg - då ligg alt til rette for fødsel på ABC! Han vart estimert til ca 3,5kg no, så for min del kan han berre kome ut når som helst ;)

Fuglemammas omslagsbody

2009-09-21T06:41:00.000-07:00

Jess, endeleg ferdig! (Eller, eg må sy i trykknappar inni, men det føler eg ikkje hastar så intenst) Den vart litt lengre framme enn bak, vi får sjå korleis det blir med bleie inni.

Synes fargen berre vart finare og finare etterkvart som eg strikka med den. Ganske dueblå, og kjem sikkert til å passe fint til vesle oktoberfrijol. Garnet er NZ Lammeuld frå 123Knit. Mønsteret er frå Myk Start.

Og sidan eg er ferdig med eitt prosjekt måtte eg jo legge opp litt nytt. Starta på eit skjerf til meg sjølv, tenkte kanskje å strikke ei lue til, og matchande sett til Ada. Deilig deilig i mjuk Faerytale, på pinne 5,5. Luftig og godt!
Har vel strikka omlag ein meter no, brukte opp eitt nøste på det. Satsar på at eg har nok til ei vaksenlue, ei barnelue, eitt barneskjerf og resten av dette skjerfet. Har tre nøste att.

Også byrja eg på ein longies til oktoberfrijol. Synes den ser ganske stor ut til å vere 1-3 månader, og eg er eigentleg litt irritert på meg sjølv at eg ikkje valgte å strikke ei anna bukse. Har ikkje planlagt noko hentesett enno, så burde vel strengt tatt strikka det i staden for bleiebukse. Men det går raskt unna, reknar med eg får ferdig det eine beinet i kveld foran tven!
Elskar fargane i dette garnet! E-bayull, som eg ikkje hugsar kor eg kjøpte.

Ullkjolar

2009-09-13T01:08:00.000-07:00

I går ettermiddag sydde eg to kjolar, deilig å føle seg litt kreativ igjen! No har eg brukt opp alt det lilla ullstoffet, og eg kjenner at Ada eigentleg burde hatt ein slik lilla kjole ho óg. Jaja...

Først ut er ein lilla elefantkjole med mamma- og babyelefant:

Så ein lekker gingko-inspirert kjole:

Gingko-kjolen er no til sals hos Snellene!

Babyteppe

2009-09-07T05:22:00.001-07:00

Har sydd ei lita barselgåve i dag, eit blått fleeceteppe med brune detaljer. Veldig greit å sy, skal lage nokre fleire slike framover!

Hadde ikkje innpakningspapir, så då var det berre å sette seg ned og sy ein kjapp pose ;)

Snellene på topp ti!

2009-09-06T08:01:00.001-07:00

Hurra, Snellene er på tredjeplass over funky nettbutikkar for barnetøy! Sjekk her

*stolt Tonje*

I dag har vi vore på katolsk messe, Ada oppførte seg skikkelig bra. Sist vi var der satt eg ute og amma stort sett heile gudstenesta, men i dag las ho bok og åt tørka mango og undra seg over glasmåleria. Åt lunch etterpå, meksikanske damer som hadde laga chili con carne og fantastisk guacamole. Nam! Rusla bort på Grünerløkka etterpå, ein liten tur innom marknaden på Blå og fekk litt inspirasjon. Ada gjekk nesten heile vegen, eg er så imponert! Elias måtte bere ho litt på slutten då, hadde heldigvis rulla saman ein rebozo i veska ;)

Fotografering i barnehagen

2009-09-04T10:09:00.001-07:00

I dag var det fotografering i barnehagen, og eg hadde lyst til å sy ei bukse til Ada. Var hos Ulla i går, og improviserte denne selebuksa. Trudde den skulle vere gigantisk, men då vi prøvde den på var den berre heilt passeleg - så då må eg kanskje sy ei til som er litt større (og som sit litt betre over skuldrane)

Eg sydde også ei lommeslynge til veslebabyen, her med improvisert "baby" ;) Litt vanskeleg å ta eit bra bilete av seg sjølv OG slynga i spegelen, men men. Sydd i grå stretchfrotté - den er supermjuk og deilig! Og det gjekk så raskt å sy, trur kanskje eg skal sy ei til i fleece til vinteren, og kanskje ei til Elias óg.

Fuglemammas omslagsbody

2009-08-30T14:05:00.000-07:00

Den er på pinnane no, er snart halvvegs med høgre framside - så det går unna. Slit litt med beslutningsvegring for kva eg skal gje meg i kast med elles: Ada treng ribbebukser og julekjole, oktoberfrijol skal også få nokre bukser (ei ribbebukse og ei sparkebukse trur eg) også må eg strikke vottar, sokkar og luer til heile familien.

Spent på barnehagestarten i morgon, no hadde ho jo fri på fredag grunna planleggingsdag. Men ho har snakka litt om barna og dei tilsette, og har ikkje sagt "nei barnehagen" ein einaste gong i dag. Håper så intenst at det blir betre snart, er sliten i mammahjartet av sår gråt og tenners gnissel (både hennar og mine)

Veksejakke, babylue og bleiebukse

2009-08-27T02:23:00.000-07:00

Jess, endeleg kan eg legge ut bilete av litt ferdig strikk! Veksejakka er ferdig (skal hekle kant rundt når eg får brun merinoull) og eg strikka ei babylue (lettstrikket babylue frå Nøstebarn, med knapp i staden for lange snorer) som matchar. Har framleis litt grønt garn att av hespet, så eg skal strikke ei babylue til i 1-3 mnd. Denne det er bilete av er i str nyfødt. Fantastisk at ein får så masse ut av 100g ull!

Bleiebuksa er etter mønster frå Fern&Faerie (oppskrift finn du på tøybleieforumet på Tettinntil) og mitt første og utrulig mislukka forsøk på maskesting *grøss* Men men, den er i alle fall bittelita og utrulig søt! Strikka i Østlandsgarn.

Også eit lite bilete av Ada sin barnehagebento. Barnehagetilvenninga går heilt elendig, ho berre gret og seier "ikke barnehagen", så det er vondt i mammahjartet. Men matboksen elskar ho, så vi speler mykje på det ved levering!

Øverste etasje: Cherry tomatar, halv banan, fiskebolle-kaniner, kokt egg og gulrotbitar
Nederste etasje: Svisker, valnøtter, riskjeks og litt meir cherry tomatar

Nye sko og litt lunchbilete

2009-08-21T12:07:00.001-07:00

Eg var innom Design Forum i dag, og fann meg deilige El Natura Lista sko i dag. Har vore på jakt etter eit par enkle, svarte sko - desse er mørkegrå, nært nok ;) Og dei var på sal!

Då Ada våkna i dag var det første ho sa "ikke barnehagen Ada" og ho gråt allereie før vi hadde kome inn i barnehagen då eg skulle levere. Det skar sånn i mammahjartet, ho vil ikkje vere der åleine. Var saman med ho i nesten 40 minutt før eg gjekk - og ho hylte som vanleg. Sa frå at dei fekk ringe Elias om det vart for ille, så kunne han hente ekstra tidleg. Men ho hadde slutta og gråte før eg hadde fått på meg skoa (hurra for barnehagetanter som set på musikk og dansar rundt med barna!). Då mamma henta ho (eg hadde lang dag på Blindern, og ville ikkje at Ada skulle vere så lenge i barnehagen sidan ho ikkje ville dit i dag) ville ho ikkje heim, ho gjekk hand i hand med Sunniva og storkosa seg! Herleg! Nesten dumt at det er to dagar barnehagefri no, men eg håper det snur og at ho byrjar trivast betre i barnehagen etterkvart.

Det vart berre bitteliten snackbento i dag, sidan ho uansett ikkje skulle vere der til brødmåltidet. Tok med boksen mest som avleiingsmanøver. Gulrot- og agurkstavar, Babybel og øko-fiken:

Sidan kjøkkenet var stort sett tomt vart det superenkel lunch på meg óg, speltfras, cornflakes og havregryn med frosne blåbær (kjøpte mjølk på Blindern) Det var utrulig godt, så det blir nok fleire slike på dagar med dårleg tid. Uansett billigare enn å kjøpe ein halvgod sandwich i HF-kantina ;) Boksen er frå Ikea, genialt med skrulokk, og den rommar heilt perfekt ein god porsjon müsli.

Også må eg berre legge inn eit lite skrytebilete av barnehagejenta vår. Tok bilete som vi skal henge på plassen hennar og på ballongklovnen, gjekk berre innom Japan Photo og framkalla dei på veg til Blindern.

Barnehagetøy

2009-08-20T12:27:00.001-07:00

Ada brukar litt bleier i barnehagen, og vi har få bukser som passar med bleier i no, sidan ho slutta i sommar. Så då må ho mor fram med symaskina. Sydde tre apebukser (men utan applikasjon på rumpa, gjorde det enkelt!) i ulike storleikar - her er det i alle fall kjempegod plass til bleier ;) Alt sydd i polarfleece.

Sydde ei matchande jakke óg, greit å ha noko som ikkje er så tjukt på småkalde haustdagar. Håper veret er slik at ho kan gå med ny bukse og jakke i barnehagen i morgon då! Litt dårlege bilete, jakka burde hengt på ein barnekleshengar - her ser den frykteleg åttitals ut, med gigaskuldre *fnis*

Bento og strikkeshopping

2009-08-19T11:30:00.001-07:00

Yes, vesle A hadde med matpakke i dag (veldig liten matpakke sidan ho har litt dårleg matlyst, og eg ikkje var sikker på om ho kom til å vere der lenge nok til brødmåltidet kl 14:30), min første (og veldig superenkle) bento:

Grisesandwich med ost&skinke (trykka ut med pepperkakeform), tørka øko-aprikos i muffinsforma, to cherrytomatar, ein Babybel og ein nektarin. Veldig enkelt i dag, men visste ikkje om det var kjøleskåpsoppbevaring av matpakken - så eg ville ikkje sende med så fancy mat. Det er heldigvis kjøleskåpsoppbevaring, så neste gong ho skal ha med lunch skal vi svinge igong med eggeformene :)

Var på sytreff hos Katrine i dag, eg sydde ingenting (har nada med syinspirasjon om dagen), men eg fekk strikka litt meir på veksejakka. Berre litt av det siste ermet att no. Gjekk innom Du Store Alpakka saman med Kristin på veg heim. Eg skulle eigentleg berre ha strikkepinnar, manglar strikkepinnar i 2,5 og det er jo ein ganske viktig storleik når det gjeld babytøy *hehe*, så no har eg kjøpt mine første fancy trepinnar (brukar bambus frå før altså)

"He du nåke smågodt i påsen din?!"

Nye pinnar

Og litt tynn alpakka, lekker petrol og brun (var jo på sal...)

Heimekomponert leikekjøkken

2009-08-18T09:42:00.000-07:00

I dag måla eg første strøket på det som skal bli leikekjøkken til Ada. Vi har to herlige trekasser frå Trondhjems bryggeri som skal få nytt liv som leikekjøkken (dvs, vi skal berre skru dei saman, er jo ikkje sikkert vi vil la dei vere leikekjøkken for alltid). Finerplate oppå som eg skal måle "kokeplater" på (det er denne som har fått litt kvitmåling no i ettermiddag) og kanskje ei lita gardin som skapdør for grytene, koppar og fat. Trur det skal bli bra!

Elles måtte eg rekke opp litt på monsterbuksa *ugh* Men no er det berre litt rosa ribbkant nedst på det eine beinet som står att, så eg blir ferdig med den i kveld. Må kjøpe litt kvitt garn til å brodere tenner og auge, så skal buksa pakkast vekk - kaaanskje den passar neste vinter *hehe*

Første skuledag i dag, engelskfaget verkar intressant - Johan Elsness er jo ein flink forelesar, så eg håper det går i orden med fødsel og innlevering av oppgåve og slikt. Fredagar har eg lang forelesning, tre timar i strekk - men det skal vel gå bra. Ada får to lange dagar i barnehagen i veka, men dei andre dagane kan eg hente ho tidlegare. Barnehagetilvenninga går greit, ho var på tur til Sognsvann i dag og det hadde vore veldig stas. Elias har levert ho dei siste dagane, gruar meg til det er min tur i morgon.

Blåbærmuffins

2009-08-16T06:52:00.000-07:00

Jepp, litt av bæra har fått nytt liv som muffins. Deilige, grove blåbærmuffins som vi nesten kan late som er sunne sidan dei har så masse grovt mjøl og berre halv sukkermengd. Silikonformer er heilt genialt, må kjøpe ein pakke til - sidan 12 former er litt i minste laget (burde hatt dobbelt så mange, men greit å bli kvitt papirformene uansett)

Grove blåbærmuffins

2,5dl skumma mjølk
1/2dl matolje
1 egg

1dl kveitemjøl
1,5dl grovt mjøl (vi brukte sammalt kveite, einaste vi hadde i hus)
1dl havregryn
1dl sukker
2ts bakepulver

Rør saman det våte og det tørre kvar for seg, bland så og rør lett (veldig viktig å berre røre bittelitt, viss ikkje blir ikkje muffinsane luftige) Ha i ein god slump blåbær (Ada helte oppi sikkert 250 gram, det var litt i overkant *hehe*)
Steikast på 210 grader, midt i omnen, i ca 18 min

Signatur

2009-08-16T00:56:00.001-07:00

Har blitt så inspirert av å lese andre sine bloggar med så fin signatur, så no testar eg min eigen :)

Blåbærtur

2009-08-15T07:30:00.001-07:00

Lenge sidan sist bloggings ser eg *flau*, men no har eg i alle fall litt å blogge om! I går føremiddag var vi på blåbærtur på Romsås, og plukka 700g bær for hand (skal be mamma og pappa ta med ein bærplukkar når dei kjem i morgon!)

Ada plukka mest av Elias sitt beger - raskare enn å plukke sjølv *hehe*

Lilla fingrar

Elles er magen stor og eg strikkar ivrig, skal sjå om det ikkje blir litt bilete av strikketøyet etterkvart :)

Onbuhimo med klips og grønt på balkongen

2009-05-03T08:34:00.001-07:00

Huff, altfor lenge sidan sist eg har oppdatert bloggen. Men baby i magen, lite energi og lite skaparkraft/inspirasjon har gjort sitt. Men Ulla sendte meg eit bilete av ein onbuhimo med klips og eg sette meg rett ned for å sy - vart så inspirert! Og onbuen vart god den! Litt lange stropper, så eg skal sy ein til med kortare stropper.

Elias tester den ut i dag (han var godt nøgd!)

Balkongen vår får nytt liv (bokstaveleg tala) i år. Har sådd ringblome og sommarblome-blanding, kjøpt inn stemorsblomar og magerittar - og på soverommet står det mjølkekartongar med cherrytomatar og basilikum. Sukkerertene har kome seg så langt at dei har fått flytta delvis ut.

Mamma og pappa var her og passa Ada 1. mai så eg kunne få delta på utdrikningslaget til Solveig. Mamma hadde med jordbærplantar - det blir spanande å sjå om vi får deilige bær i løpet av sommaren!

Ullkjolevest

2009-03-15T13:14:00.000-07:00

Juhu, eg har endeleg strikka litt igjen. Vart så inspirert då eg såg nokre eksemplar av denne vesten på Tettinntil at eg måtte strikke ein til Ada. Første forsøk på mønsterstrikk og det gjekk høveleg bra. Gjorde nokre bommertar med masketalet, men det løyste seg heldigvis ganske greit likevel.

Mønsterstrikket nederst:

Elias sa til Ada: "ve a verte en el espejo" (gå og sjå deg i spegelen) og Adagullet sprang ut i gangen og sa "såå fin" - slikt varmar eit mammahjarte!

Oppskrifta finn du her

Elles gjekk eg ein tur i vårsola saman med Kristin og vesle Leon i dag. Vi skulle på Kampen bondegård, men det var stengt i dag, så det vart ein rusletur på Kampen og ein liten tur på kafé, også fekk ungane leike saman hos Kristin etterpå. Ein kjekk dag med god kaffi og deilig gulrotkake. Skummelt å merke at ein er i så dårleg form når ein traskar oppover dei bratte bakkane til Kampen med Ada på ryggen. Glad eg ikkje hadde vogn.

Konkurranse

2009-03-11T00:46:00.000-07:00

Ah, eg er så glad i te for tida, det går eit par koppar om dagen. Og eg snubla over denne te-konkurransen i ein blogg
Du kan vinne deilig te, sukker og ein lekker kopp - det er berre å kommentere innlegget i bloggen hennar! Sjå her

Likar du shabby chic trur eg nok du kan finne masse snasent hos Belin

Elles er det rolige dagar her, har hatt litt lite intiativ til sying i det siste, og symaskina har forsvunne litt under haugen av diverse handarbeid og stoff. Skal sjå om ikkje vårsola kan tine fram litt inspirasjon snart :)

Nye longies og bloggrydding

2009-02-09T09:53:00.000-08:00

Strikka eit par longies i rosa og lilla garn til Johanna sin toårsdag! Held på med eit par like til Ada, men i brunt og natur.

Med blitz, her ser du fargane litt betre

Har endra litt på etikettane her inne, så vart det litt mindre rotete (eller eventuelt meir oversiktleg). Ganske morosamt å gå tilbake og sjå på gamle innlegg, ser jo at sykunnskapane og evnene har utvikla seg mykje sidan starten :) Kjekt!

Det ligg forøvrig nye Tonje-sydde ullkjolar hos Snellene

Formsydd sele

2009-01-16T15:23:00.000-08:00

Dette er den tredje eg har sydd, og den første eg er nøgd nok med til å legge ut bilete av :) Sydd i føyeleg grå bomull. Nokre små tweaks skal gjerast til neste sele. Jobbar med å finne eit bra design, forhåpentlegvis blir dette eit Snelle-produkt om ikkje så lenge.

Det er så koseleg med bering for tida. Ada set verkeleg pris på det. Då selen var ferdig sydd kom ho bort og peika på magen min og sa "sitteee"

Ribbestrikka ullbukse

2009-01-16T09:57:00.000-08:00

Denne buksa fekk Edvard i veldig forseinka julegåve, strikka i babyull etter oppskrift frå Garnstudio

Ada er modell:

Ullbukse

2009-01-11T00:55:00.000-08:00

Har strikka ein del ullbukser i det siste, her er restegarnsbuksa eg strikka i jula:

Sånn ca storleik for denne oppskrifta: str Large (10-15kg) Eg har brukt Østlandsgarn og Viking (midjestykket og beina er strikka med Viking) Eg hadde fem ulike fargar på stripene + brunt til midjestykket og beina.

Legg opp 80 masker på 40cm rundpinne 5, bruk det garnet du har mest av om du vil ha matchande ribbestrikk i livet og rundt låra. Strikk 3 omg 2 rett 2 vrang. Fell av holrad slik 2r, 1 kast, 2vr saman ein omgang. Strikk så vidare vrangbord 2r 2vr 6-8 omg (alt etter kor høgt du vil ha midjestykket)

(Eg skifta til pinne 5.5 når eg strikka sjølve buksa)
Så skiftar du til ein annan farge og strikker buksa høgare bak slik:
Du startar i sida på buksa, strikk 40m rett, snu og strikk 40m tilbake, snu igjen og strikk 5 omg rundt. Skift farge og strikk 40m, snu og strikk 40m tilbake. Strikk 5 omg. Skift farge igjen, strikk 40m, snu og strikk 40m tilbake og strikk 5 omg. Når du skiftar farge att strikker du ikkje buksa høgare bak lengre, berre 5 omg rundt. Etter totalt åtte fargeskift (40 omg) set du 12 m på ein maskesamlar/tråd og feller du av 20m midt framme. Set dei neste 12m på ein maskesamlar/tråd. Då har du 36m att på pinnen, strikk fram og tilbake (hugs at annankvar pinne må strikkast vrang for å få buksa til å bli glattstrikk). Fell slik: Dei to første m på pinnen strikkast saman på kvar pinne, når du har 20m att på pinnen fell du av og syr saman i skrittet.

Bein: Ta opp 24 masker på strømpepinnar str 5 langs kanten slik at du har 36m, strikk vrangbord 2r 2vr 3-4 cm. Fell av. Gjer det same på det andre beinet.

Flett/tvinn snor til holrada.

Strikka trøye

2008-11-29T07:00:00.000-08:00

Har endeleg fått gjort ferdig ei ny ulltrøye til Ada, veldig improvisert "knit as you go" *hehe* Den er litt stor, men den kjem jo til å passe lenge, så det gjer ingenting!! Neste gong trur eg at eg skal strikke etter oppskrift dog.

Smykkelaging

2008-11-27T01:01:00.000-08:00

Eg var hos Ulla i går, og produserte smykker. Ulla er utrulig kreativ, ikkje berre lagar ho fantastiske meitaiar, men ho kan lage alt mogleg! Så An-Magritt og eg fekk ei lita innføring i korleis lage slike steampunk/altered art-anheng, og fekk leike oss i smykkekofferten.

Her er mine resultat:

Denne består av ein gammal gardinring, bitar av ei tysk lesebok frå barneskulen (svidd og lakka med decoupagelakk), tannhjul frå gammal klokke, bilete av dame (Ulla har laga det!), bit av gammalt kjede, eit dissekert smykke og diverse filligrener.

Bilete av Barbara Streisand (Ulla har også laga denne), urskive, perler og månestein, gammalt sølvkjede, dissekerte smykker og diverse filligrener.

Gammal britisk mynt, gammal tysk mynt, liten gullfisk, brosje, tynne englevingar, gamle knappar, kjede, dissekert smykke av lær og filligrener.

Gigaputer

2008-11-24T14:11:00.000-08:00

Har sydd saccosekkputer (aka Buddah bags) til Viktor og Eirik. Dei har vorte flittig brukt, etter det eg har fått med meg ;)

Også eit litt dårleg mobilbilete

Litt til meg sjølv

2008-11-19T13:24:00.000-08:00

Eg har sydd litt til meg sjølv dei siste dagane: Miniskjørt og kjole i ull, og ein bolero i polarfleece. Har ikkje fått tatt gode bilete enno.

Improviserte kjolemønster i kveld, og heldigvis vart resultatet ganske bra ;)

Helg

2008-10-31T12:09:00.000-07:00

Lite oppdatering i det siste, det har vore mykje stress på universitetet og litt jobbing med noko spanande som skal skje i morgon ;)

Men no er det helg, og for tida held vi hus her: Grims Grenka

Har nett ete ein deilig middag via roomservice, Ada åt nesten eit heilt kyllingbryst med massevis av chili. No tuslar ho rundt i bærrompa med bodylotion over alt, over heile seg og det må jo smakast på (ho har lært seg og opne skrukorker tydelegvis...)

Mitt kreative bidrag i det siste er å sy to digre saccosekkputer, ei til Mattis og ei til Eirik/Viktor. Eirik/Viktor har bestilt to, så leiligheita vår er rimelig full (dei tek jo som kjent ikkje lite plass *fnis*)

RaudlaukAda

2008-10-19T00:09:00.001-07:00

Vi måtte jo nesten berre sy matchande hue og bukse til den nye meitaien vår: Ein Raudlauk Eye2Eye

Her demonstrert av Ada og Elias i Smalgangen:

Hadde litt brun fleece til overs, og leita meg gjennom restekassa til Ulla for å finne nokre passande bitar av dette stoffet som har blitt døypt "raudlauk".

I give you Raudlauk Selebukse og Snelle-hue

Legg merke til matchande sko *fnis*

Forefallande arbeid

2008-10-16T04:56:00.000-07:00

Byrja sy ein tunika for lenge sidan, men gjorde aldri ferdig utringinga. Endeleg sat eg meg ned og gjorde det - og det var ei skikkelig god kjensle etterpå altså! Herlig!

Den er sydd i stretch jersey, med blondedetaljar på ermane (det viser jo ikkje så godt på bileta då), kvitt skråband med pyntesaum nede og svart skråband i utringinga. Eg er godt nøgd med resultatet!

Har også sydd ei bukse i dag, i isoli og kraftig bomull. Knappane fann eg i knappesamlinga til mamma, dei er verkeleg vintage :)

Garnsnask

2008-10-13T05:57:00.000-07:00

Har fått deilig babyalpakka/silkegarn frå Du Store Alpakka Det ligg framleis i restekassa, deilig raud og mintgrøn (ikkje kvitt som eg trudde...)

La også inn ei bestilling hos Get Knitted, dei har masse fint på sal no.

To nøster bambusgarn

Lilla ull/silkeblanding og raudlilla babyalpakka

Multifarga ull/silke. Dette er ganske tjukt.

Og Ada har sjølvsagt på seg matchande tøy. Heildrakt frå Mala med ullnøster på!

No må eg berre finne ut kva eg skal strikke av alt dette... :)

I love loppis!

2008-10-12T11:48:00.000-07:00

Yes, i helga har An-Magritt, Ulla og eg vore på loppis (AM og eg tok den heilt ut og var på loppis både laurdag og søndag *hehe*) og eg har gjort nokre kupp og funne nokre skattar. Det beste står framleis på låven hos An-Magritt sidan det er litt vanskeleg å frakte møblar på toget. Har funne eit fantastisk kult lite bord og to hyller som eg skal sette saman til skjenk/tv-benk.

Men i mi naud innsåg eg at eg ikkje hadde moglegheit til å stappe alle loppefunna mine ned i Baggu-nettet eg hadde med meg (det var uansett allereie fullt av toalettsaker, pysjamas og undertøy), så eg brukte litt av ei loppe og symaskina til An-Magritt og hastesydde ei veske utan oppskrift. Litt skeiv og med fryyyktelig lang hank, men den romma masse gitt!

Veske av gammal duk og litt brun cord:

Også sjølvsagt litt bilete av loppisfunn!

Kjøkkensaker: Knallraud vekt (den er rett altså, det er berre Ada som har skrudd litt på skruen på baksida!), oransje og gul plastbolle og ein liten kopp eg berre måtte ha. Den er full av skår og har blitt limt, men den er så fiin!

Raude nesnalobbar. An-Magritt og eg fekk to par for tjue kroner, og har avtalt at når Edvard veks ut av sitt par skal Ada få arve det. Det andre paret er grå med raude sålar.

Ulltøy (det rosa er for stort og det kvite passar til neste baby)

Diverse leiker til Ada (trepuslespel, bok, treleiker, Fisher Price-saker)

Gul og raud badeand. Desse blir knall på badet altså!

I tillegg til dette og møblane har eg ein pose med diverse stoff som skal få bli barnetøy. Eg diggar loppis altså!

Dagens outfit

2008-09-23T09:25:00.000-07:00

Fann ut at desse nikkersane som eg sydde før sommaren passar like fint til haustbruk med ullstrømpis under :)

Måndag morgon

2008-09-22T01:56:00.000-07:00

Nokre gongar er dette den einaste måten og kome i gang med ei ny veke på

Blåbærhotcakes, nesten slik som svigermor lagar dei (ho brukar sjokoladebitar i staden for blåbær då *hehe*)

Snekkerbukse

2008-09-20T08:51:00.000-07:00

Yes, då har eg fått sydd saman litt av det oppklipte frå forrige post *hehe*

Bukse i raud isoli og vintage bomullsstoff, kanta med oransje kantband og raudt fløyelsband, og raude vintage knappar :)

Med ein liten applikasjon på rumpa:

Klippe klippe

2008-09-17T12:39:00.000-07:00

I dag har vore den o store klippedagen! Var på besøk hos Ulla, og meldte meg som klippeansvarleg.

Har klippa ut tolv selebukser (fem til meg, tre til An-Magritt og fire til Ulla), ein dress, to huer og ei jakke.

Her er det eg skal sy av framover ;)

Raud+raud selebukse, grå+grå/grøn selebukse, brun+raud selebukse, brun hue, lime jakke og hue og til slutt lime+grøn selebukse. Såå deilig å berre ha ferdig oppklippa stoff!

Ada helte ein tutekopp med druejuice over seg sjølv, og Ulla smekka saman ei av buksene eg hadde klippa ut, så Ada hadde noko og ha på seg på heimturen. Nydeleg deilig bukse i vintage flanell! Kanta med oransje satengband, pynta med oransje fløyeslband (til og med lagt inn litt feminine legg!!) og kule oransje knappar. Den er fantastisk!!

Leggings

2008-09-14T09:35:00.000-07:00

Eg kjøpte masse finfint garn på Ebay og har strikka leggingsar til Ada. Har planar om å strikke longies (ullbukser med lange bein til tøybleier)

Deilig melert garn (handfarga) i rosa/lilla:

Bukse

2008-09-12T11:15:00.001-07:00

Symaskina mi har ikkje akkurat fått slitt seg ut i det siste, men eg har sydd litt. I dag var eg på kjempekoseleg syklubb hos An-Magritt og lagde deilig fleecebukse til Ada:

Den er LITT stor endå, så bryststykket kjem litt lavt ned. La oss kalle det innovativ og spanande design *knegg*

Applikasjon på beina (ekte vintagestoff!)

Applikasjon på ryggen

Ikkje så ofte oppdateringar her...

2008-08-05T09:40:00.000-07:00

Har ikkje fått sydd så mykje i det siste. I sommar har symaskina stort sett hatt ferie. Men i dag fekk eg endeleg sydd ferdig den digre golvputa/saccosekken eg har planlagt lenge no. Ada trivst godt med å klatre på den :)

Fleecegenser til Ada

2008-06-24T10:23:00.000-07:00

Har sydd to fleecegensrar til Ada som ho kan bruke når det er litt kaldare i veret (det er jo ikkje såå fine somrar vi har her i Noreg alltid). Her er bilete av den eine, dei er sydd i same form begge to. Mønsteret er frå "Barnetøy du selv kan sy"

Litt motvillig modell ;)

Forkle

2008-06-20T04:57:00.001-07:00

Har sydd eit grått og rosa forkle til Anne Marte. På framsida har eg brodert inn "Alle ting har to sider" og på baksida står det "minst" (veldig vanskeleg å ta gode bilete av "broderiet")

Måtte berre prøve det på, og har funne ut at eg MÅ sy nokre slike forkle til meg sjølv - kan jo bruke dei som topp!

Hjelmluer og bukse

2008-06-19T09:50:00.001-07:00

Sydde nokre hjelmluer til Ada, men dei vart for små (brukte mønsteret frå Barnetøy du selv kan sy i str 1 år, men det var ikkje heilt passeleg...)

Og ei bukse i dus rosa cord, med linning i fleece (som vart altfor stor *hehe*)

Meitai til Paula og Bruno

2008-06-19T00:15:00.000-07:00

Denne med stropper i cord, hette i brun lin og panelstoff i bomull og bomullsblanding.

Herlige uglene :)

Som alltid: Ein liten applikasjon på ein stropp

Den andre sida med rutete stoff (samme som applikasjonen)

Strikkedilla

2008-06-19T00:13:00.000-07:00

Eg har hatt litt strikkedilla i det siste. Strikka eit par leggingsar til Ada, men dei vart litt korte, så eg må strikke eit par til som går heilt opp til bleia. Ganske genialt no når vi let ho gå ein del utan bleie. Berre truse og leggings - veldig enkelt når ho skal på potta, og viss ho skulle ha eit uhell så blir jo (som oftast) berre trusa våt.

Ada leikar med mobilen

2008-06-17T22:02:00.001-07:00

MOV00855, originally uploaded by anmagritt_moen.

Noko av det beste Ada fekk til bursdagen sin var ein video der kusine Selma song "Happy Birthday to You". Sjå berre her kor glad Ada blir når ho får sjå video og høyre songen!! :)

My baby loves paint...

2008-06-17T09:41:00.001-07:00

DSC_0002, originally uploaded by ullarj.

Ada gjorde eit realt innhogg i måleskrinet til Ulla (det er berre vannfarge altså!)

Overall til Ada

2008-06-17T09:32:00.000-07:00

Har sydd ein overall til Ada i kjempesøt rosa babycord. Mine første to knapphol vart sydd på denne buksa, og det var jo inga sak! Geniale symaskina gjorde jo absolutt ALT, målte knappen og sydde eit hol som passa til. Juhuu!

Knappar frå den fantastiske knappesamlinga til mamma

Den er litt stor enno, så modellen vassar litt i den *hihi*

Også eit til berre fordi ho er så søt ;)

Koppehaldar

2008-06-12T08:27:00.000-07:00

Vi har kjøpt ny vogn, og vi må jo vere urbane foreldre med plass til take away kaffien
Inspirert av tinkafu sydde eg ein koppeholdar i brun cord, med D-ringar som feste.

(Det skal stå "kaffi? te?" - det første spørsmålsteiknet ser ut som ein "n"...)

Bursdagsgåve til Elias

2008-06-11T09:16:00.000-07:00

Elias trengte eit "mandig" handlenett, så han fekk det i bursdagsgåve. Oppi låg det ei bok om tequila og eit heimelaga kort.

Endeleg noko herfrå igjen

2008-06-06T01:37:00.000-07:00

Eksamensstresset har lagt litt dempar på skapartrongen i det siste, men eg har sydd ein toddler meitai til Veronica og Camilo som dei skal ha med til Argentina på ferie.

Brune linstropper, beige og brunt panel på eine sida og petrolblått og kvitt panel på andre sida. Sovehetta kan brukast på begge sider (samme stoff som stroppene)

Trademark applikasjon på ein av skulderstroppene ;)

Lommebok

2008-05-15T03:03:00.000-07:00

Eg har sydd lommebok til Elias. Vi får sjå om han vil bruke den. Kika litt på Etsy for inspirasjon, og etter litt fomling og teikning (og ei lommebok som vart så lita at det ikkje var plass til eit einaste kort!) vart den slik:

Skeive saumar (skal eg aldri lære dette med kontrastfarga tråd?!) og ikkje heilt optimale løysingar. Men det går an å ha både sedlar og kort i (har sjekka!) og lomma på baksida kan brukast til visittkort. Det var eit kjekt lite prosjekt i alle fall, trur eg kjem til å sy fleire slike, men kanskje med ei litt enklare form.

Skjørt og topp!

2008-05-15T02:56:00.000-07:00

Har sydd ein kjempedeilig tunikatopp og skjørt (men kjem ikkje til å bruke dei saman, det kan bli litt overkill!)
Ulla og An-Magritt hadde vore på stoffshopping på ein bruktbutikk, og fann dette stoffet som var i mine fargar, så det fekk eg! Herlig! Dei mørkegrøne kontrastane er frå ei bukse, så dette er skikkelig gjenbruk!

A-forma skjørt

Med lomme (må jo ha lomme til lypsylen *hihi*)

Og den finaste knappen! (Den er kanskje ikkje så praktisk sidan den ikkje er rund, men den er så fiin!)

Detaljbilete. Dei fine treknappane fann eg i knappeeska til Ulla :)

Dåpsgåve til Lilja

2008-05-15T02:44:00.001-07:00

Vi var i barnedåp på Askøy i pinsa. Utrulig koseleg å treffe familien igjen! Det blir jo ikkje så ofte ein samlast alle saman, men denne gongen var vi alle, både store og små. Familien har jo blitt ganske stor etterkvart med fem barnebarn. Storebror Dag meinte at vi berre måtte produsere meir så vi kunne treffast oftare *hehe*

I mangel på innpakningspapir i heimen sydde eg ein liten pose til å ha dåpsgåva i:

Frihandsbrodering med maskin er ikkje heilt enkelt. Må øve meg meir, det er ganske stilig synes eg :)

Ny symaskin!!

2008-04-28T04:16:00.001-07:00

Juhu! Eg har fått meg ny symaskin, og det er heilt fantastisk! LITT skilnad frå gamle mr. Singer som kan sjåast til høgre.

Valget falt tilslutt på Janome Jubilee 85, ei computermaskin med haugevis av pyntesaumar. Den kjennes veldig bra ut (har ikkje fått sydd SÅ masse på den enno) og no kan eg faktisk høyre på musikk medan eg syr! Yeah! Deilig med ei maskin som ikkje bråkar så inst...

Elles har eg byrja innreie sykroken min. Det er frykteleg rotete enno, har ikkje prioritert flytting og organisering over søvn i det siste... Leiligheita vår er no gul og oransje, eg lurer litt på kva eg skal henge på veggane. Kan ikkje ha hyller sidan vi har betongveggar.

I bokhylla har eg to hyller til diverse esker med saker og ting, mønster og bøker.

Bruker dei gamle hyllene frå badet til oppbevaring av tråd, verktøy mm

Midt mellom pultane har eg stoffkassene mine (bomullstoff)

Oppi her har eg faktisk bretta og sortert stoffet etter farge! (det ser kanskje ikkje sånn ut på biletet, men dei ligg ganske organisert)

Og i eit av skapa har eg nokre hyller til stoff:
Øverst: fleece og isoli
Midten: stroppestoff (cord i ei hylle og lin/bomull i ei hylle)
Nederst: bleiestoff (bambusvelour og bambusfrotté)

Dagens prosjekt...

2008-04-28T03:53:00.000-07:00

...er eigentleg å rydde huset, men det er jo så mykje meir freistande å sette seg ved symaskina når Ada søv *fnis*

Har endeleg fått sydd ferdig denne omslagskjolen (klippa opp stoffet i Bergen!) og ei rosa bukse som passar til forklekjolen (også Bergensprosjekt) Det er så greit å sy når ting er ferdig klipte - det går jo så raskt unna!

Omslagskjolen er sydd i eit utrulig stilig og nydeleg mjukt cordstoff. Elskar fargane, mønsteret og teksturen! Såå fint! Har sydd ei selebukse i same stoff, men den manglar knappar enno. Ventar på at mamma skal kome med knappekassa si *hehe*

Og ei rosa bukse med brune hjarte (har jo fått ny symaskin må vite, så leikar meg storleg med pyntesaumar!)

Og saman med kjolen

Gler meg til at Ada kan stabbe rundt i dette settet til sommaren! Kanskje eg må sy ein matchande solhatt til ho!

Vårleg veske til Trine

2008-04-27T12:58:00.000-07:00

Denne veska har eg sydd til Trine. Ho ville så gjerne ha ei veske i dette stoffet, håper den har vore verdt å vente på...

Lomme til vannflaske

Og lomme inni til mobil og diverse

Podaegi

2008-04-25T08:05:00.000-07:00

Har sydd ein lilla og grå podaegi til Anita som takk for at eg fekk låne eit sjal av ho.

Stropper i koksgrå lin
Panel i grå silke (innsida) og lilla/grått bomullstoff (utsida)

Detalj på den eine stroppen

Og slik ser den ut på:

Sytur til Bergen

2008-04-19T09:54:00.001-07:00

Eg har vore i Bergen med Ada for å besøke storebror, svigerinne og tre skjønne tantebarn. Det vart masse sying på kveldstid, men neste gong har vi bestemt oss for å låne handtverksrommet på skulen, for det vart litt lite produktivt å dele ei maskin.

Eg sydde monkey pants til dei to eldste tantebarna - ei petrol med brune detaljar og oransj dinosaur i baken, og ei brun med rosa detaljer og smilefjes.

Veldig improvisert mønster, så dei vart litt store, og høge i livet.

Her er tre sjønne søskenbarn med apebuksene på:

Sydde også thailandske fiskebukser i tjukk lin. Her teikna eg berre rundt ei anna bukse og sydde i veg - resultatet vart litt deretter. Skal lage ordentleg mønster neste gong, då går det mykje raskare å sy (slepp justere så mykje i etterkant...)

Ada fekk ei prøvelappbukse som vart ganske fin, har klippa ut rosa stoff som skal bli bukse så snart eg får tid. Må ha ei bukse som matchar forklekjolen eg sydde.

Her er min produksjon:

Øverst til venstre: prøvelappbukser, nederst til venstre: forklekjole, til høgre: fiskerbukse

Og totalproduksjonen vår:

Øverst: hettegenser i petrol fleece (str 5 år)*, rosa monkey pants til L (str 6mnd-1år)*, selebukse i jersey (str 84)*, omslagskjole med brune detaljer (str 84)*, sommarbukse (str 84), thai fiskerbukse
Nederst: monkeypants i petrol fleece (str 3-5 år), monkeypants i brun fleece (str 3-5 år), vest i brun fleece (stoor str 80)*, forklekjolar med trykknappar(str 104*, 74*, 80)

*= blåbbli, svigerinnesydd :)

Fleecekjole

2008-04-06T13:31:00.000-07:00

Har sydd tunika/fleecekjole til meg sjølv. Denne er i rosa fleece med brune detaljer. Har sydd ein i grått og turkis også, men har ikkje fått tatt bilete av den enno.

Detaljer med blitz

Og eit trekløver i nakken

Nye apebukser

2008-04-05T02:35:00.000-07:00

Sydde eit par apebukser til Ada. Denne gongen i isoli. Litt vanskeleg å få linningen fin, og buksa vart kjempestor. Men den ser veldig god ut :)

Foran

Bak

Hue til Sofia

2008-04-04T03:54:00.001-07:00

Kollegaen til Elias falt pladask for "teletubby-hua" til Ada, og spurte om ho kunne bestille ei av meg. Mønsteret har Ulla laga, eg berre endra på snurreduppen på hovudet. Dette vart ei prinsessehue (men fleece og silkebrokade er eit prosjekt i seg sjølv, vanskeleg å få det fint - dette var jo ein prøveklut så...)

Without further ado:

Krone med sommarfuglar i "gull"-brokade

Genial lukkemekanisme!

Finn ikkje att merkelappane mine, så måtte berre lage ein midlertidig dings ;)

2008-04-04T03:49:00.000-07:00

Eg er med på Pay it Forward og har fått eit utrulig kult handlenett frå Ohelene :) Turkis med grøne prikkar, og det tek jo ingen plass i veska. Supert!

Dress til My

2008-04-01T07:42:00.000-07:00

Her er den første fleecedressen eg sydde. Den vart litt stor, men My kan i alle fall vekse inn i den! :)

Med applikerte blad på ryggen

(Eg har også på meg heimesydd fleecekjole!)

Guitar Hero

2008-03-30T07:53:00.000-07:00

Ein meitai til Mattis og Simona, og vesle My Sara.
Stropper i mellomrifla cord. Den er vendbar - den eine sida med gitarsolo-menn og den andre med applikert mønster.

Ada får teste:

Og ho vil helst ha armane utanfor :)

Tidleg krøkast...

2008-03-28T04:16:00.001-07:00

Ada får leike med den nye-gamle maskina mi (veit faktisk ikkje om den virkar ein gong!) Det er ei Janome JS1004. Superenkel, typisk barneskulemaskin :) Men vi får sjå om den er brukandes. Den kan jo alltids brukast som leikemaskin, tydelegvis!

Påske

2008-03-28T04:11:00.000-07:00

Vi har hatt påskeferie i Horten med foreldra mine! Kjempekoseleg!!

Ada fekk ny fleecedress etter mønster frå "Barnetøy du selv kan sy", og ei kul hue i rosa polarfleece etter oppskrift frå Ulla. Har ingen gode bilete av heile dressen, men her er nokre fine turbilete:

Pappa ber Ada i Eye2Eye

Monkey Pants

2008-03-28T04:08:00.000-07:00

Rett før påske sydde eg bukse til Ada, inspirert av Japanese Monkey Pants

Sydd i rosa og grå polarfleece, med brunt smilefjes og brune saumar. Trur eg må modifisre mønsteret litt, den vart veldig lang i beina, og kunne vore litt høgare i livet. Men den er ganske så kul då!

Stoor veske

2008-03-07T03:11:00.000-08:00

Eg skulle forstørre mønsteret på denne veska 129% - utan kopimaskin er det ganske vanskeleg, så eg blingsa LITT med storleiken. Endra litt på mønsteret undervegs også, så det vart ei gigantveske med plass til omtrent alt :) Originalmønsteret er frå Amy Karol si bok "bend-the-rules Sewing"

Lommer til nøklar og lypsyl, mobiltelefon og diverse

Stroppen er sydd inn i veska, i endane. Når det er noko tungt i veska vil det gjere at veska dreg seg litt saman. Genialt! (Trur eg, har ikkje prøvd å bere noko i den enno)

Lange nok stropper til at eg kan ha den tvers over brystet, eller den kan henge over skuldra. Deilig med breirifla cord som veskestropp!

Eg manglar framleis ei veske med lok eller ein form for lukkeåpning. Det kjem etterkvart. Skal sy nokre mapper eg kan ha bleier og slikt i også, så blir det enklare å finne fram *hihi*

Hals

2008-03-07T03:09:00.001-08:00

Har sydd ein hals i fleece til Simona, inspirert av Pasilurken. My skal få ein dress som matchar, den er nesten ferdig, men tråden eg brukte på dressen ligg hos Ulla. Så eg skal gjere ferdig dressen neste veke.

Her er i alle fall halsen:

Broderte inn ein gamaldags "S"

Vårleg veske

2008-03-03T07:08:00.000-08:00

Sydde ei deilig, stor og lys veske i går ettermiddag. Tjukt bomullstoff på utsida og tynn bomull inni. Hadde dobbelt linstoff (same som stroppene) i botnen, men veska er ikkje så veldig stabil. No har eg i alle fall ein mal å gå etter, den neste eg syr skal eg sy i tjukkare stoff, og med lokk. Greit å ikkje gjere det ALTFOR enkelt for lommetjuvane *fnis*

Det er to lommer inni, ei til mobilen og ei til diverse. Lomme til vannflaske og avis på utsida. Brukte den i butikken i dag, og fekk plass til to juicekartongar, fire eple, ein brokkoli, ein paprika, fruktpuré, potetsalat og brunost. Framleis var det plass igjen!

Fe-tai

2008-03-03T07:02:00.000-08:00

Her er meitaien eg sydde til min gode fe (hemmelig ven)

Ein romantiskrosa toddler meitai

Frontpanelet er i kvit lin med broderte roser - vakkert stoff!

Stropper og baksidepanel i rosa bomull. Applikerte på nokre roser som var att frå Bella sin meitai.

Rosengrønn meitai

2008-02-25T04:36:00.000-08:00

Denne har eg sydd til Bella og vesle Elizabeth, med eit vintage rosemønstra stoff som Bella sendte meg. Baksida og stroppene er i flaskegrøn mellomstripa cordfløyel med applikerte roser.

Ulla sew-along

2008-02-23T00:50:00.000-08:00

Ulla hadde ein sew-along på tettinntil, og her er mitt resultat:

Kjærleikens tre meitai i grøn cordfløyel med applikasjonar:

Baksida av panelet

Og i bruk:

Brunt monster

2008-02-06T08:19:00.000-08:00

Eit herleg mjukt brunt monster i polarfleece. Dette skal bli Edvard sin nye kamerat :)

Handlenett

2008-02-04T02:03:00.000-08:00

Kjære Anita har vore så snill å la meg låne eit herleg sjal - nydelege Aqua Waves :) Så som takk sydde eg eit handlenett til ho. Sjølvsagt i afrikansk print! *hehe* Legg merke til at den eine dama på stoffet ber ungen sin! Cool!

Toddler meitai til Jeanette og Johanna

2008-02-04T01:31:00.001-08:00

Denne laga eg som bursdagsgåve til Jeanette og Johanna. Min første toddler meitai. Veldig rååsa, men det høvde seg jo :)

Monstergåve

2008-02-01T00:20:00.001-08:00

Elias sin kollega har ei datter som fyller eitt år i morgon. Han kom heim frå jobb i går kveld og kom på at han ikkje hadde kjøpt noko. I nauda friteikna eg nokre monster på stoff, og sydde eit mammamonster og eit babymonster:

Og ferdig innpakka, med heimelaga kort:

Podaegi

2008-01-12T07:28:00.000-08:00

Har sydd ein annan type asiatisk bæresele óg. Ein podaegi (pod) Den var skikkelig artig og sy - det gjekk rasande fort! Og den er heilt super til kort bæring inne, særleg når eg lagar mat. Har brukt den masse med Ada på ryggen foran komfyren :)

Ny meitai

2008-01-12T07:24:00.000-08:00

Eg har sydd ein ny meitai i eit fantastisk lilla stoff. Koksgrå dupionisilke på baksida og svarte stropper i børsta bomull. Den vart god å bere i, men den neste eg lager skal eg lage litt lengre i kroppen.

Med sovehetta oppe

Med sovehetta nede

Og sånn ser den ut på:

Dukke meitai

2007-12-09T12:29:00.001-08:00

Her er ei av årets julegåver.

Julekort

2007-12-09T12:26:00.000-08:00

Har jo kjøpt julekort i år, med bilete av Ada. Men tenkte å lage nokre likevel, det er jo så koseleg å pusle med. Og slik vart resultatet (har tre av dei kvite med prikkar og to av dei stripete)

Meitai

2007-11-10T03:23:00.000-08:00

Her er min første meitai, med pappavalgt mønster ;) Den vart faktisk skikkelig god å bere i, og passa fint til både Elias og meg. Supert!

Panel: Grafisk print
Bakside: Lin
Stropper: Flaskegrøn kord

Heimestrikk

2007-11-10T03:05:00.000-08:00

Har hatt huestrikkedilla i det siste. Har strikka mange huer til Elias, og ei til Ada. Det går fortare å strikke vaksenhuer, så det har ikkje blitt matchande huer på dei to, men det er under planlegging.