Fleecegenser til Ada

Har sydd to fleecegensrar til Ada som ho kan bruke når det er litt kaldare i veret (det er jo ikkje såå fine somrar vi har her i Noreg alltid). Her er bilete av den eine, dei er sydd i same form begge to. Mønsteret er frå "Barnetøy du selv kan sy"






Litt motvillig modell ;)

Forkle

Har sydd eit grått og rosa forkle til Anne Marte. På framsida har eg brodert inn "Alle ting har to sider" og på baksida står det "minst" (veldig vanskeleg å ta gode bilete av "broderiet")










Måtte berre prøve det på, og har funne ut at eg MÅ sy nokre slike forkle til meg sjølv - kan jo bruke dei som topp!

Hjelmluer og bukse

Sydde nokre hjelmluer til Ada, men dei vart for små (brukte mønsteret frå Barnetøy du selv kan sy i str 1 år, men det var ikkje heilt passeleg...)






Og ei bukse i dus rosa cord, med linning i fleece (som vart altfor stor *hehe*)

Meitai til Paula og Bruno

Denne med stropper i cord, hette i brun lin og panelstoff i bomull og bomullsblanding.

Herlige uglene :)



Som alltid: Ein liten applikasjon på ein stropp



Den andre sida med rutete stoff (samme som applikasjonen)

Strikkedilla

Eg har hatt litt strikkedilla i det siste. Strikka eit par leggingsar til Ada, men dei vart litt korte, så eg må strikke eit par til som går heilt opp til bleia. Ganske genialt no når vi let ho gå ein del utan bleie. Berre truse og leggings - veldig enkelt når ho skal på potta, og viss ho skulle ha eit uhell så blir jo (som oftast) berre trusa våt.

Ada leikar med mobilen

MOV00855, originally uploaded by anmagritt_moen.

Noko av det beste Ada fekk til bursdagen sin var ein video der kusine Selma song "Happy Birthday to You". Sjå berre her kor glad Ada blir når ho får sjå video og høyre songen!! :)

My baby loves paint...

DSC_0002, originally uploaded by ullarj.

Ada gjorde eit realt innhogg i måleskrinet til Ulla (det er berre vannfarge altså!)

Overall til Ada

Har sydd ein overall til Ada i kjempesøt rosa babycord. Mine første to knapphol vart sydd på denne buksa, og det var jo inga sak! Geniale symaskina gjorde jo absolutt ALT, målte knappen og sydde eit hol som passa til. Juhuu!




Knappar frå den fantastiske knappesamlinga til mamma



Den er litt stor enno, så modellen vassar litt i den *hihi*





Også eit til berre fordi ho er så søt ;)

Koppehaldar

Vi har kjøpt ny vogn, og vi må jo vere urbane foreldre med plass til take away kaffien
Inspirert av tinkafu sydde eg ein koppeholdar i brun cord, med D-ringar som feste.






(Det skal stå "kaffi? te?" - det første spørsmålsteiknet ser ut som ein "n"...)

Bursdagsgåve til Elias

Elias trengte eit "mandig" handlenett, så han fekk det i bursdagsgåve. Oppi låg det ei bok om tequila og eit heimelaga kort.

Endeleg noko herfrå igjen

Eksamensstresset har lagt litt dempar på skapartrongen i det siste, men eg har sydd ein toddler meitai til Veronica og Camilo som dei skal ha med til Argentina på ferie.

Brune linstropper, beige og brunt panel på eine sida og petrolblått og kvitt panel på andre sida. Sovehetta kan brukast på begge sider (samme stoff som stroppene)





Trademark applikasjon på ein av skulderstroppene ;)